Djáknavegur 3

Um er að ræða sumarhús í Úthlíð, Djáknavegur 3, en birt heildarstærð er 126m². Stór suðurverönd með heitum potti er við húsið og nær pallurinn meðfram vestur og austurhlið að hluta. Gengið er inn í húsið af vesturverönd. Óhindrað útsýni er úr húsinu til fjalla og yfir nærsveitir. 

Húsið er byggt á sökkli og með steyptri gólfplötu og hita í gólfum.
Húsið var tekið í notkun 2020 og er það klætt að utan með lerki, gluggar eru úr PVC og járn á þaki er með innbrenndu lakki sem gerir húsið viðhaldslétt. Gólfhiti er í húsinu og led lýsing sem hægt er að stýra með fjarstýringu. Falleg lýsing með kubbaljósum er utan á húsinu.  Skv. birtum fm frá HMS er neðri hæðin 79,3 fm og efri hæðin 46,7 fm sem er að hluta til undir súð þ.a gólfflötur er stærri en uppgefnir fermetrar.

Skipulag eignar:
Neðri hæð: forstofa, alrými með eldhúsi og stofu, 2 svefnherbergi og baðherbergi. 
Efri hæð: Hjónaherbergi með sérbaðherbergi og setustofa/svefnloft.
Nánari lýsing:
Neðri hæð:
Anddyri og gangur með flísum á gólfi og  í fatahengi.
Stofa í alrými er rúmgóð og björt með harðparketi á gólfi. Úgengt er á suðurverönd í gegnum stóra rennihurð. Gönguhurð er út á austurverönd. 
Eldhús er í alrými með harðparketi á gólfi. Ljós falleg innrétting með innbyggðri uppþvottavél.
Hjónaherbergi er rúmgott með harðparketi á gólfi.
Svefnherbergi er með harðparketi á gólfi.
Baðherbergi er með flísum gólfi og veggjum, ljós falleg innrétting og efri speglaskaápum og tengi fyrir þvottavél.
tvær geymslur á neðri hæð.
Efri hæð:
Hjónaherbergi er rúmgott með harðparketi á gólfi og stórum opnanlegum þakglugga og sérbaðherbergi með flísum á veggjum og gólfi, sturtu, ljós innrétting með skúffum og handlaug, upph.wc.
Setustofa/svefnloft með harðparketi á gólfi og led lýsingu ásamt lýsingu undir súð. 
Geymsla er undir súð.

Sumarhúsið stendur í sumarhúsahverfi í Úthlíð en á svæðinu er m.a. 9 holu golfvöllur og ferðaþjónusta rekin á svæðinu. Í næsta nágrenni eru til að mynda 3 golfvellir og einungis stutt ganga til þess að njóta útivistar og göngu í ósnortinni náttúru í Úthlíðarlandi. 

Eignin er í talsverðri útleigu fram að áramótum en eignin skilar fínum tekjum þegar hún er fullbókuð. Nýr eigandi getur yfirtekið leigusamning og afhending getur farið fram við kaupsamning.