Birkiteigur 18

Fallegt mikið uppgert og vel viðhaldið tveggja hæða einbýlishús ásamt tvöföldum bílskúr að Birkiteig 18, Reykjanesbæ til sölu.
Eignin er 174,6 fm., þar af er bílskúr 54 fm. Bílskúrinn er mjög vel útbúinn m.a. með gryfju, geymslulofti og snyrtingu.
Góðar innréttingar meðfram veggjum, rafdrifnir hurðaropnarar og epoxi á gólfi. Stimpluð innkeyrsla með hitalögn.
Húsið sjálft er 120 fm. Á neðri hæðinni er stór forstofa með hringstiga upp á loft, stofa með gluggum í tvær áttir,
eldhúsi, þvottahúsi, snyrtingu og bakinngangi.
Á efri hæðinni eru fjögur svefnherbergi og baðherbergi með glugga.
Vel staðsett eign í Reykjanesbæ, í göngufæri við leik- og grunnskóla ásamt miðbænum.
 
Nánari lýsing
Neðri hæð:
Forstofa er stór með ljósum flísum á gólfi, fataskáp og hringstiga upp á efri hæð.
Eldhús með glugga, ljós innrétting með flísum á milli efri og neðri skápa og flísum á gólfi.
Úr eldhúsi er gengið inn í þvottahús með bakinngangi ásamt gestasnyrtingu með glugga sem er flíslögð í hólf og gólf
Stofa með gluggum í tvær áttir og útgengi á stórt afgirt útisvæði með heitum potti.
Parket á gólfi.

Efri hæð:
Fjögur herbergi og eru tvö þeirra stærri með skápum og tvö önnur minni.
Parket á gólfum
Baðherbergi með baðkari og glugga. Flísalagt í hólf og gólf.
Allar innréttingar hússins eru með sprautuðum hurðum og kirsuberjahliðum, þá eru allar innihurðir sérsmíðaðar og spónlagðar með kirsuberjarviði.

Bílskúr er tvöfaldur með gryfju og geymslulofti ásamt góðum innréttingum meðfram veggjum og rafdrifnum hurðaropnurum.
Innst í skúrnum eru snyrting og geymsla sem eru með dúk á gólfi, annars er epoxi á gólfum skúrsins.
Þrír gluggar og inngangur frá útisvæði. 

 Yfirlit yfir framkvæmdir á síðustu árum:
2013 – Rafmagn endurnýjað, gólf flotuð á neðri hæð og í framhaldinu flísalögð.  Skipt um alla ofna í húsinu. Sérsmíðaðar innihurðir settar í eldhús og gestasnyrtingu.
2014 – Skipt um þakjárn á íbúðarhúsi og bílskúr. Skipt um glugga á kvisti ásamt því að sérsmíðaðar hurðir voru settar á alla efri hæðina og hún parketlögð.
2015 – Hringstigi teppalagður og settar nýjar bílskúrshurðir.
2021 – Hús steinað að utan og skipt um jarðveg fyrir framan það og settar nýjar útihurðir.
2022 – Hellulagt framan við hús.
2024 – Epoxí sett á bílskúr.
2025 – Settur pallur á baklóð.

Allar frekari upplýsingar veitir Sigríður Jónasdóttir löggiltur fasteignasali í síma 661-4141, eða gegnum tölvupóstfangið sigridur@bjarturfasteign.is

Gjöld sem kaupandi þarf að standa straum af vegna kaupa á fasteign:
1. Stimpilgjald af fasteignamati fasteignar er 0,8%, en 0,4% fyrir fyrstu kaup og 1,6% fyrir lögaðila.  
2. Þinglýsingargjald: Af kaupsamningi, skuldabréfi, veðleyfi, afsali o.s.frv., kr. 3.800 af hverju skjali.
3. Lántökukostnaður samkvæmt verðskrá viðkomandi lánastofnunar.
4. Umsýslugjald til fasteignasölu skv. kauptilboði.

Skoðunarskylda kaupanda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum.
Fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð ef þurfa þykir að leita til sérfræðinga um nánari ástandsskoðun.