Markland 10

Borg fasteignasala kynnir: snyrtilega og vel skipulagða 86 fm, 3ja–4ra herbergja endaíbúð á 2. hæð við Markland 10 í Fossvogi.
Eignin er björt og notaleg með tveimur svefnherbergjum, góðu stofurými og suðursvölum með fallegu útsýni. Möguleiki er á þriðja svefnherberginu.

Komið er inn í rúmgott hol.
Stofa og borðstofa mynda bjart og opið rými með stórum gluggum og góðri birtu. Þaðan er gengið út á suðursvalir með fallegu útsýni yfir gróið umhverfið.
Eldhús er bjart með hvítri innréttingu, góðu vinnu- og skápaplássi og aðstöðu fyrir borðkrók. Stór gluggi er í eldhúsi og hleypir góðri birtu inn í rýmið.
Svefnherbergin eru tvö, bæði björt og með góðu skápaplássi. Annað herbergið var áður tvö minni herbergi og því möguleiki á að breyta skipulaginu aftur og fá þrjú svefnherbergi.
Baðherbergi er snyrtilegt og flísalagt með sturtu, upphengdu salerni, hvítri innréttingu og tengi fyrir þvottavél.
Sérgeymsla fylgir eigninni og sameiginleg hjóla- og vagnageymsla er í húsinu.

Markland er á rólegum og vinsælum stað í Fossvogi. Við húsið er stór sameiginlegur garður og næg bílastæði eru fyrir framan húsið. Stutt er í alla helstu þjónustu, þar á meðal Grímsbæ, leik- og grunnskóla og fjölbreytt íþróttastarf í Víkinni. Fossvogsdalur er í næsta nágrenni með fallegum göngu- og hjólaleiðum.

Nánari upplýsingar veitir:
Úlfar Þór Davíðsson Lögg. fasteignasali, í síma 788-9030 eða ulfar@fastborg.is