Guðlaugsvík 1 og 2

Nes fasteignasala kynnir í einkasölu jarðirnar: 

Guðlaugsvík 1 og 2, Hrútafirði, 500 Staður.
Um er að ræða 2 lögbýli og er landið óskipt en byggingar tilheyra hvoru lögbýli um sig. Lögbýlin verða seld saman ásamt fullvirðisrétti og allri áhöfn.
Heildarlandstærð Guðlaugsvíkur 1 og 2 óskipt er ca. 950 ha og er ræktun skráð 46 ha skv. skráningu HMS en alls er ræktarland að nýrækt meðtalinni 53ha. Land, ræktun og hlunnindi skiptist til helminga milli Guðlaugsvíkur 1 og 2, en greiðslumark jarðanna sem er 833 ærgildi er allt skráð á Guðlaugsvík 1.

Seljandi skoðar að taka íbúðareign á Höfuðborgarsvæðinu upp í hluta af kaupverði.

Í Landnámabók segir frá manni sem hét Guðlaugur, bróður Gils skeiðarnefs. Guðlaugur fór til Íslands en skip hans brotnaði við höfða þann sem síðan hefur verið kallaður Guðlaugshöfði. Komst hann í land í Guðlaugsvík sem síðan er við hann kennd.
Land jarðarinnar liggur frá fjöruborði og upp á fjalllendi. Aðliggjandi jarðir og lönd eru Skálholtsvík, Kolbeinsá, fjallland Miðhúsa og Heydalssel. Jörðin hentar vel til sauðfjárræktar. Þar eru góðir hagar og tún í góðri rækt.  Víkurá rennur á mörkum Skálholtsvíkur og Guðlaugsstaðavíkur og á Guðlaugsvík laxveiðirétt í Víkurá sem nemur 42% af tekjum vegna veiðileigu árinnar.  Þá er reki fyrir landi Guðlaugsvíkur sem nýta má til framleiðslu á girðingarstaurum. Í fjörunni rís drangur sem er vinsæll viðkomustaður hjá ferðamönnum. Móamýrartjörn er gjöfult veiðisvæði þar sem kvöldflug er á gæs og önd.  Þá er stórbrotið umhverfi í Víkurdal en þar eru Urriðavatn og Arnarhreiðursvatn.  

Hér er að mörgu leyti um mjög athyglisverða jörð að ræða sem býður upp á ýmsa möguleika auk landbúnaðar svo sem þjónustu við ferðamenn og fleira.
 
Helstu byggingar:

Guðlaugsvík 1:                                                                                                                                                              
Íbúðarhús: Byggt 1940, 206,9 fm að stærð skv. skráningu HMS. Reisulegt og rúmgott hús á 2 hæðum, endurnýjað að hluta.
Húsið skiptist í forstofu, stofu, borðstofu, baðherbergi, eldhús, búr, geymslu, snyrtingu og þvottahús á neðri hæð og 6 svefnherbergi á efri hæð.
Góð innrétting í eldhúsi með helluborði og háf. Baðkar og innrétting í baðherbergi og flísar í hólf og gólf. 

Hesthús og hlaða: Upphaflega fjós. Steyptir veggir og lélegt járn.

Fjárhús með áburðarkjallara og hlaða: Eldri bygging, endurnýjuð að hluta.
Viðbyggð hlaða steyptir veggir og viðbyggð geymsla og sögunarhús, þarfnast lagfæringar
 
Guðlaugsvík 2:
Íbúðarhús með bílskúr:  Húsið byggt 1964, 126,7fm að stærð en bílskúr 1970, 61,6fm að stærð. Samtals stærð 188,3fm skv. skráningu HMS. 
Húsið skiptist í forstofu, 5 svefnherbergi, stofu, baðherbergi, eldhús, búr, geymslu, snyrtingu og þvottahús. Kynt er með rafmagni. 
Gólfefni er plastparket á, eldhúsi og stofu og herbergjum en flísar á forstofu og votrýmum. Góð innrétting í eldhúsi með spanhelluborði og háf. Innrétting og walk-in sturta í baðherbergi, flísalagt með vegghengt salerni og hita í gólfi. Allt endurnýjað 2021. Rafkerfi er frágengið.  
Bílskúr er með góðar rafdrifnar innaksturdyr og flísalagt gólf.
Útveggir eru steyptir og málaðir. Einangraðir að utan og múraðir, þakklæðning er endurnýjuð.
Gluggar og hurðir eru plast endurnýað að hluta.
 
Fjárhús með áburðarkjallara: Hús í góðu ásigkomulagi fyrir 700 fjár.
Steyptir veggir, nýtt járn á þaki og góðar grindur í gólfi og innréttingar
Hlaða: steinsteyptir veggir og gólf og járn á þaki.
 
Vélageymsla: Steinsteypt hús, óeinangrað. Steypt gólf og Járn á þaki. Stórar og góðar innaksturdyr.

Listi yfir bústofn, vélar, tæki og annað sem fylgir með jörðinni liggur fyrir. Nánari upplýsingar veitir Þórarinn Halldór Óðinsson Lögg. fasteignasali, í síma 8650350, tölvupóstur thorarinn@fastnes.is.